Nakikipag ugnayan na ang Philippine National Police (PNP) sa Metro Manila Mayors kaugnay sa pagpapatupad ng guidelines sa Lunes.
Ayon kay PNP Spokesperson Pol. Col. Rhoderick Augustus Alba, magiging mas mahigpit ang health and safety protocols ang ipatutupad ng Inter-Agency Task Force (IATF) upang mapigilan ang pagkalat ng nakahahawang sakit.
Inaasahan aniya nila na bawat LGU sa rehiyon ay maglalabas ng executive order na maglalatag ng protocols batay sa direktiba na itinakda ng IATF.
Matatandaan ibinalik sa alert level 3 ang sitwasyon sa National Capital Region (NCR) dahil sa epekto ng muling pagsirit ng kaso ng COVID-19. —sa panulat ni Angelica Doctolero
