Aminado si Defense Secretary Delfin Lorenzana na hindi nila inirekumenda kay Pangulong Rodrigo Duterte na magdeklara siya ng Suspension of Combat Operations laban sa NPA o New People’s Army ngayong kapaskuhan.
Gayunman, sinabi ni Lorenza na tatalima pa rin sila sa utos ng kanilang commander – in – chief dahil ito ang utos sa kanila at iyon aniya ang masusunod at kanilang ipatutupad.
Una nang inihayag ng PNP na binabalangkas na nila ang guidelines para sa pagpapatupad ng unilateral ceasefire sa CPP-NPA-NDF epektibo mula bisperas ng Pasko, Disyembre 24 hanggang Enero 2 ng bagong taong 2018.
Ayon kay C/Supt. Dionardo Carlos, tagapagsalita ng PNP, agad nilang ipamamahagi sa lahat ng himpilan ng pulisya ang nasabing guidelines sa sandaling matapos na nila ito.
