Tumangging mag-komento si Justice Secretary Menardo Guevarra sa impormasyong may umano’y basketbolistang dawit sa pagkamatay ng babaeng flight attendant na si Christine Dacera.
Ayon kay Guevarra, ayaw na muna niyang magbigay ng anumang komento o impormasyon dahil nagpapatuloy ang ginagawang imbestigasyon ng National Bureau of Investigation (NBI).
Giit ni Guevarra, ang malinaw, ang lahat ng posibleng may alam o kaya’y may kinalaman sa pagkamatay ni Dacera, ay ipatatawag ng NBI para sa kani-kanilang mga pahayag.
