Kinondena ng Photojournalists’ Center of the Philippines ang tangkang pag-aresto ng mga tauhan ng Philippine National Police sa dalawang photojournalist na kumukuha ng litrato ng protesta kaugnay ng ASEAN meeting sa Maynila.
Kinilala ng PCP ang mga naturang photojournalist bilang sina Bullit Marquez at Rene Dilan; at ayon sa grupo, pinagbawalan umano ng mga pulis ang dalawa na kumuha ng litrato ng pag-aresto sa ilang demonstrador na nanggulo matapos makipag-buno sa mga pulis.
Nakuhanan pa ng video ang tangkang pag-aresto ng mga pulis kay Marquez, na naudlot lang matapos pigilan ito ng ilan pang mamamahayag.
Dahil dito, nanawagan ang PCP sa mga otoridad na imbestigahan ang insidente, itaguyod ang Press Freedom, at protektahan ang karapatan ng mga mamamahayag na gampanan ang kanilang tungkulin. | sa panulat ni Anjo Riñon
