Muling itinanghal na kampeon ngayong 2018 NBA Season ang Golden State Warriors.
Hindi pinaporma ng Warriors ang Cleveland Cavaliers sa apat na pagkakataon ng kanilang pagtutuos o Games 1 hanggang 4 sa kanilang best of seven series para sa NBA Finals.
Bigo ang Cavs para makaisa man lamang ng panalo kahit pa ginawa sa kanilang balwarte o tinatawag na home court ang Games 3 at 4.
Nagpanalo sa Warriors ang kakaibang moves nina Stephen Curry at Kevin Durant na kapwa nagtala ng double digit points.
Naitala sa 108-85 ang final score sa pinakahuling bakbakan ng Warriors at Cavaliers.
Itinanghal namang MVP o Most Valuable Player sa 2018 NBA season si Kevin Durant na kakapirma lamang din ng bagong kontrata sa Warriors.
—-
