Nagpa-abot ng tulong ang Chinese Government para sa rehabilitasyon ng mga lugar na nawasak ng lindol sa Surigao Del Norte.
Ayon kay Pangulong Rodrigo Duterte, dala ni Chinese Minister of Commerce Zhong Shan ang Isang Milyong Dolyar para sa rehabilitasyon ng mga napinsalang kalsada at tulay sa magnitude 6.7 na lindol.
Ipinaabot ng Pangulo ang pasasalamat sa gobyerno ng China dahil malaking tulong ang pondo para sa pagbangon ng lalawigan ng Surigao.
Matatandaang dalawang beses na niyanig ng malakas na lindol ang lalawigan ng Surigao nitong magkasunod na linggo.
By: Drew Nacino / Aileen Taliping
