Positibo ang Gilas Pilipinas sa kanilang pagsabak sa 2017 FIBA Asia Cup.
Kasalukuyang nasa Lebanon ang pambato ng Pilipinas para sa naturang torneo.
Ayon kay Gilas Head Coach Chot Reyes, mataas pa rin ang kumpiyansa ng koponan sa kabila ng hindi pagsama ng kanilang sentro na si Junemar Fajardo dahil sa tinamo nitong injury.
Sinabi ni Reyes na may itinalaga na silang alternatibo sa pagkawala ni Fajardo kung saan nakaatang na aniya ngayon ang responsibilidad kina Japeth Aguilar, Raymond Almazan, at Filipino-German na si Christian Standhardinger.
Unang makakaharap ng Gilas ang koponan ng China sa Miyerkules habang sa Biyernes naman ang koponan ng Iraq.
By Ralph Obina
