(To be Updated)
Pinugutan na ng Abu Sayyaf Group ang bihag nitong German national na si Jeurgen Kantner.
Kinumpirma ito ni Philippine National Police (PNP) Chief Director General Ronald ‘Bato’ dela Rosa base umano sa natanggap niyang intelligence report.
Ayon kay Dela Rosa, sa ngayon ay hindi pa nakikita ang pugot na ulo at katawan ni Kantner at sinabing kasalukuyan pang hinahanap ng mga awtoridad.
PAKINGGAN: Bahagi ng pahayag ni PNP Chief Ronald dela Rosa
Matatandaang kahapon ay napaulat na tinuluyan na ng Abu Sayyaf Group ang pagpugot kay Kantner alas-3:30 ng hapon sa Indanan Sulu matapos mapaso ang deadline ng bandidong grupo sa pagbibigay ng ransom.
Nobyembre 5 nang dukutin si Kantner at asawa nitong si Sabine Merz na pinatay ng mga bandido habang naglalayag sa karagatan ng Malaysia
PNP kumambiyo sa ulat na napugutan na ang German hostage ng Abu Sayyaf
Samantala, kumambiyo si PNP Chief Director General Ronald “Bato” Dela Rosa sa kanyang naunang pahayag.
Ito’y makaraang kumpirmahin ni dela rosa ang balitang pinugutan nga ng mga bandidong Abu Sayyaf ang German National.
PAKINGGAN: Bahagi ng pahayag ni PNP Chief Ronald dela Rosa
Ayon kay Dela Rosa, nakabatay lamang ang impormasyon sa intellegence report kaya’t maaari niya itong bawiin hangga’t hindi pa nahahanap ang katawan nito
PAKINGGAN: Bahagi ng pahayag ni PNP Chief Ronald dela Rosa
By Aiza Rendon / Jaymark Dagala | with report from Jonathan Andal (Patrol 31)
