Nahirapang itago ng tinaguriang Mr. Pure Energy na si Gary Valenciano o Gary V ang kanyang pagka-fan sa Dubsmash Queen na si Maine Mendoza.
Sa isang Instagram post ng beteranong singer, makikita ang larawan nila ni Maine na may caption na:
“Today was the first time I ever met Maine. I had a hard time hiding my being a fan.”
Hindi naman nabanggit ni Gary kung saan sila nagkita ng Dubsmash Queen.
Samantala, galak na galak namang nag-comment si Maine sa post ni Mr. Pure Energy.
Nagpasalamat ang Kapuso star sa mga payo ni Gary na inilarawan niyang ‘kind words’.
Ani pa ng dalaga:
“Nakakaoverwhelm po! coming from THE Gary Valenciano.”
—-
