Binigyang diin ni Department of Labor and Employment (DOLE) Secretary Silvestre Bello III na dapat agencies ang magbayad sa gagastusin sa quarantine protocols ng mga Overseas Filipino Workers (OFWs).
Kaugnay ito ng pagpayag ng Taiwan na makapasok na ang migrant workers.
Ani Bello, maglalabas ng guidelines ang Philippine Overseas Employment Administration (POEA) sa deployment ng OFWs sa Taiwan.
Bukod dito, kailangan din sundin ang 14-day quarantine pagdating sa Taiwan at dagdag na pitong araw para sa self-management bago magsimula sa trabaho.
Dapat din aniya fully vaccinated laban sa COVID-19 kung pupunta sa nasabing bansa.
