Isinusulong sa Senado na mailibre na ang check-up at laboratory test sa lahat ng miyembro ng PhilHealth.
Kasunod na rin ito ng pagtataas ng kontribusyon ng PhilHealth simula noong Enero.
Ayon kay Senador Sonny Angara, marapat lamang na kaakibat ng ginawang pagtataas ay ang pagpapalawig naman ng health coverage ng ahensya.
Sa ngayon kasi ay kinakailangan na ma-admit muna sa ospital ang pasyente bago magamit ang naturang health insurance.
Matatandaang nagtaas ng 2.75 percent o P275 kada buwan ang kontribusyon ng PhilHealth na paghahatian ng employer at mga empleyado sa private at government sector.
—-
