Tutol ang isang kaalyado ni Pangulong Rodrigo Duterte sa panukalang mabigyan ito ng emergency powers para resolbahin ang masikip na daloy ng trapiko sa Metro Manila.
Ayon kay dating Senador Aquilino “nene” Pimentel, hindi emergency powers, kundi koordinasyon sa mga Barangay Captains ang kailangan para maresolba ang masikip na daloy ng trapiko.
Naniniwala si Pimentel na hindi naaayon sa prinsipyo ng demokrasya ang pagbibigay ng emergency powers sa Pangulo dahil maaari itong magpatupad ng mga programa at panuntunan kahit walang konsultasyon sa taong bayan.
Binigyang diin ni Pimentel na may mga prosesong matagal ipatupad dahil kailangan pang kuhanin ang sentimiyento ng taongbayan at yan anya ang tunay na diwa ng demokrasya
By: Len Aguirre
