Inilarga na ng Bureau of Fire Protection (BFP) ang mga aktibidad ngayong fire prevention month na may temang “Kaligtasan sa Sunog: Alamin, Gawin at Isabuhay Natin.”
Ngayong Miyerkules, unang araw ng Marso, magsasagawa ng sabayang “Walk for a Fire-Free at Fire-Safe Nation” sa buong bansa.
Eksaktong alas-12:00 ng tanghali naman ay magpapatunog ng mga sirena at iba pang firefighting apparatus sa lahat ng BFP fire stations sa buong bansa na tatagal ng limang (5) minuto.
Samantala, muling nanawagan ang BFP sa publiko na maging maingat sa paggamit ng mga electronic appliances at gadget upang maiwasan ang sunog lalo’t nagsisimula na ring uminit ang panahon.
By Drew Nacino
*BFP Photo
