Pinalawig pa ng Commission on Elections ang paghahain ng mga certificates of candidacy (COC’S) hanggang ngayong araw na ito, Abril 21.
Ito ang tugon ng poll body matapos ang kanilang En Banc Session kahapon bunsod na rin ng naging pangamba ng National Youth Commission.
Dahil dito, maaari pa ring humabol ang sinumang mga nagnanais tumakbo sa halalang pang barangay sa mga COMELEC offices mula alas 8:00 ngayong umaga hanggang ala-5:00 ng hapon lamang.
Magugunitang inihayag ng NYC na posibleng hindi maabot ang target na mga kalahok sa Barangay at SK o Sangguniang Kabataan Elections dahil sa mababang turnout ng mga naghain ng kanilang kandidatura.
Batay naman sa umiiral na kalendaryo ng COMELEC, kahapon, Abril 20 ang huling araw dapat ng paghahain ng Certificates of Candidacy para sa Barangay at SK Elections.
