Pinaigting na ng Department of Education ang feeding program sa Marawi City, Lanao del Sur.
Ayon kay DepEd-A.R.M.M. Assistant Schools Superintendent for Marawi City Ana Zenaida Unte, nagsagawa ng inisyal na feeding program sa apat na bagong bukas na paaralan sa lungsod.
Pawang “Halal” food anya ang inihanda ng mga guro at volunteer para sa mga batang bakwit.
Balik klase na rin sa Mipaga, Bito, Rorogagus at Pendolonan Elementary Schools matapos ang limang buwang sagupaan.
