Dumistansya ang Fontana Development Corporation (FDC) sa umanong nadiskubreng underground hosital para gamutin ang mga Chinese nationals na mayroong tinamaan ng coronavirus disease 2019 (COVID-19).
Ayon sa FDC ang villa sa Fontana Leisure Park kung saan nadiskubre ang underground hospital ay nailipat na at nasa eksklusibong kontrol ng Shidaikeiji Technology Incorporated na isang matagal nang locator sa Clark Freeport Zone.
Binigyang diin ni FDC Assistant General Manager Simon Wu na wala nang kontrol ang Fontana sa nasabing ari-arian o sa operasyon dito.
Sa katunayan aniya ay suspendido ang Fontana casino, junket at hotel operations o zero operations sa ngayon ang Fontana.
Sa kanilang sulat sa CDC ipinabatid ni Wu na lumalabas sa paunang imbestigasyon nila na ang makeshift hospital ay ginagamit para gamutin ang mga empleyado ng Shidaikeiji na nagsabi sa kanilang hindi ito nag-ooperate bilang COVID-19 clinic.
Inilabas din ni Wu ang sulat ng Shidaikeiji na naglilihis sa Fontana sa anumang aktibidad nila sa nasabing villa.
