Sinimulan na ng Food and Drug Administration (FDA) ang pagre-review ng Emergency Use Authorization (EUA) ng mga bakuna na gagamitin para sa pagtuturok ng 3rd shots at booster doses.
Ayon kay FDA Director General Dr. Eric Domingo, maraming mga pag-aaral na isinagawa hinggil dito ang iba’t ibang mga bansa kaya binigyan niya ng panahon ang mga eksperto na pag-aralan ang mga ito.
Kabilang sa kanilang pag-aaralan ay kung dapat bang parehong brand ng COVID vaccine ang ibigay bilang booster shot o magkaibang brand.
Una rito, sinabi ni Vaccine Czar Carlito Galvez Jr., na target ng pamahalaan na simulan sa Nobyembre ang pagtuturok ng booster shots para sa priority sectors.—sa panulat ni Hya Ludivico
