Naniniwala si Chief Presidential Legal Counsel Juan Ponce Enrile na kinakailangang nakabatay ang right tο freedom of expression sa tamang impormasyon na ipaalam sa publiko at hindi manipulahin ang mga ito.
Sa kanyang social media post, iginiit ng dating Senate President na dapat ay nakabatay lamang ang social media freedom of expression sa mga factual information.
Hinikayat din ni Chief Presidential Legal Counsel Enrile ang social media users na mag-ingat sa pagse-share online at ibahagi lamang sa publiko ang mga well-confirmed na impormasyon upang hindi ma-mislead ang mga tao sa katotohanan at sa mga gawa-gawa lamang.
Hindi rin anya dapat ikinukunsidera ang mga social media practitioners bilang isang kagamitan na maaaring gamitin upang magpakalat na ng gawa-gawang kwento. —sa panulat ni Alyssa Quevedo
