Magkasamang nagbabakasyon ngayon ang kontrobersyal na rumoured couple na sina John Lloyd Cruz at Ellen Adarna sa Morocco.
Sa kanyang instagram account, nag-post si Ellen ng larawan kasama si Lloydie, kung saan makikitang busy ang aktor sa kanyang cellphone at pagkuha ng picture ng view ng sunrise sa tabi ng beach.
Nag-post din si Ellen sa kanyang instagram story, na nagpapakita ng grupo ng mga lalaking naglalaro ng soccer sa beach na katulad ng ipinost na video naman ni John Lloyd sa kanyang Instagram account.
Ito ang unang out of the country trip ng dalawa, ilang linggo matapos ang pinag-uusapang bakasyon nila sa Bantayan Island at Mactan sa Cebu.
Magugunitang, inanunsyo ng Star Magic, ang talent management ni John Lloyd, na naka-indefinite leave of absence ito sa showbiz.
