Gumawa ng panibagong record ang mga supporters ng Eat Bulaga at AlDub nation makaraang basagin nila ang record sa first day ticket sales ng ticketworld.
Ito ay base sa post ng official twitter account ng ticketworld tatlong oras matapos ianunsyo ang patungkol sa pagbili ng tiket para sa “Eat Bulaga sa Tamang Panahon” na gaganapin sa Philippine Arena sa Bulacan sa October 24.
Wala ng ibinigay na detalye ang ticketworld kung magkano na ang nabentang tiket.
Gagamitin sa pagpapatayo ng mga tatawaging “AlDub library” sa iba’t ibang bahagi ng bansa ang malilikom na pondo mula sa mga nabiling tiket.
Ang pagtitipon sa October 24 ay ang big surprise ni Lola Nidora sa kalyeserye episode para kina Alden, Yaya Dub at AlDub nation.
By: Meann Tanbio
