Asahan na ng mga customer ng Manila Water ang mahinang supply ng tubig sa ilang bahagi ng Marikina City, San Mateo at Rodriguez, Rizal sa gitna ng pagbaba ng water level sa La Mesa Dam.
Ayon kay Manila Water Corporate Communications Head Jeric Sevilla, apektado mga Barangay Ampid 1 at 2; Banaba, Dulong Bayan 1 at 2, Gitnang Bayan 1 at 2; Maly Sa san Mateo;
Barangay Burgos sa Rodriguez, Rizal at Parang, Marikina City na pawang mataas anyang mga lugar.
Posible anyang magsimula ang mahinang water pressure alas 8:00 ng umaga hanggang tanghali.
Simula bukas ay gagamitin na ng manila water ang East La Mesa Treatment Plant sa Balara, Quezon City bilang kanilang source sa halip na sa La Mesa Dam.
