Plano ng korte suprema na maglatag ng isang e-court system.
Ayon kay ni Chief Justice Alexander Gesmundo, sa pamamagitan ng bagong sistema ay mapapalawak at mapapabilis ang mga proseso sa korte at maging ang virtual access sa mga hukuman sa bansa.
Binigyang diin ng punong mahistrado na mahalagang makasabay ang hudikatura sa pagbabago o makabagong teknolohiya sa pamamagitan ng paggamit ng e-court system.
Sinabi pa ni Gesmundo na saklaw ng bagong sistema ang lahat ng mga proseso sa korte, kabilang na ang paghahain ng mga reklamo at maging ang paglalabas at paggagawad ng hatol. —mula sa ulat ni Patrol 13 Gilbert Perdez sa panulat ni Hyacinth Ludivico
