Inihalal na bilang bagong Chairman ng Partido Demokratiko Pilipino-Laban ng bayan o PDP-Laban si Presidential Aspirant at Davao City Mayor Rodrigo Duterte.
Ayon kay PDP-Laban President at Senator Aquilino “Koko” Pimentel, magkakaroon ng panibagong pag-asa at lakas ang kanilang Partido sa pangunguna ni Duterte.
Buo anya ang kanilang suporta sa kandidatura ng alkalde maging sa isinusulong nitong pagbabago para sa bansa.
Pinalitan ni Mayor Rody bilang Chairman ng partido si Dating South Cotabato Governor Ismael Sueño.
Magugunitang iprinoklama si Duterte bilang Standard-Bearer ng PDP-Laban matapos mag-substitute para kay Martin Diño noong Nobyembre.
By: Drew Nacino
