Nagtalaga ang Pangulong Rodrigo Duterte ng bagong commissioner ng Commission on Higher Education (CHED).
Itinalaga ng pangulo si Aldrin Darilag bilang sa puwestong binakante ni Professor Prospero De Vera III na promoted bilang CHED chairman noong October 2018.
Si Darilag na dating associate professional lecturer sa De La Salle University at opisyal ng St. Paul University Surigao at Pamantasan ng Lungsod ng Marikina, ay magsisilbing CHED commissioner hanggang July 21, 2020.
Samantala, itinalaga ng pangulo si dating DSWD acting secretary Virginia Orogo bilang bagong undersecretary ng Department of Agrarian Reform (DAR).
Pinalitan ni Orogo si David Erro bilang DAR undersecretary.
