Dinepensahan ni Pangulong Rodrigo Duterte ang kaniyang rason sa pagbibigay ng taas pasahod sa mga militar at pulis.
Sa talumpati sa 60th founding anniversary ng Cor Jesu College, sinabi ng pangulo na nakatatanggap siya ng mga reklamo hinggil sa naturang usapin gayung hindi pa natutupad ang dadag-sahod sa mga guro.
Ayon sa pangulo, kailangan ng bansa ngayon ng mga sundalo at kapulisan para mapanatili ang kapayapaan.
Hindi aniya natatakot ang mga ito na magbuwis ng buhay para lamang maipagtanggol ang mga Pfilipino.
Dahil dito, karapat-dapat lamang umano na makatanggap ang sundalo at pulis ng magandang kumpensasyon para sa kanilang serbisyo sa bayan.
