Namahagi ng family food packs ang Deparment of Social Welfare and Development (DSWD) sa mga pamilyang naapektuhan ng sunog sa barangay Looc, Mandaue City.
Sinabi ni DSWD Assistant Secretary Maria Evelyn Macapobre, tinatayang 2,777 na indibidwal o 678 pamilya ang nananatili sa Mandaue City Central School at Cesar Cabahug Elementary School.
Base sa staff assessment ng ahensya sinabi ni Macapobre na mabibigyan ng tulong ang mga apektadong pamilya habang magbibigay rin ng tulong pinansyal ng field office 7 sa mga ito.
Tinatayang 250 kabahayan ang natupok ng apoy sa Sitio Paradise noong Nobyembre 22. —mula sa panulat ni Maize Aliño-Dayundayon
