Inatasan na ni Pangulong Ferdinand ‘Bongbong’ Marcos ang Department of Social Welfare and Development (DSWD) na bigyan ng hanap-buhay ang mga Badjao sa bansa.
Ito’y upang mapigilan na ang pagluwas sa Maynila ng mga Badjao para lang mamalimos tuwing mag-pa-Pasko.
Ayon kay DSWD Secretary Erwin Tulfo, nakatakdang magtayo ang kagawaran ng palengke kung saan maaaring magbenta ang mga Badjao ng kanilang produkto.
Nakikipag-ugnayan na anya ang DSWD kay Zamboanga City Mayor John Dalipe sa paghahanap ng lugar na pagtatayuan ng palengke.
Samantala, nakikipagtulungan naman ang DSWD sa Local Civil Registrar Office sa paglunsad ng Birth Certificate Registration program para sa mga Badjao. —sa panulat ni Jenn Patrolla
