Masusubukan ang kalidad ng binuong Drone Squadron ng Quezon City Police District (QCPD) sa gagawing pag-monitor sa Undas 2022.
Ide-deploy ang naturang drone sa iba’t-ibang sementeryo, columbarium, at bus terminal simula Biyernes.
Ayon kay QCPD Director Police Brigadier General Nicolas Torre III, paliliparin ang mga Unmanned Aerial Vehicles (UAV) bilang bahagi ng kanilang anti-crime operations.
Sa kasalukuyan, may 21 drones ang QCPD na gagamitin sa paggunita sa undas.
Kaugnay nito, plano rin ng QCPD na maglagay ng mga ipad o tablet sa nasa halos 200 patrol car nito. – sa panulat ni Hannah Oledan
