Driver’s error ang malamang na naging sanhi ng trahedya sa Tanay Rizal na kinasasangkutan ng Panda Tours kamakailan.
Ito ang lumabas sa hiwalay na imbestigasyong isinagawa ng Philippine Global Road Safety Partnership hinggil sa naturang insidente.
Ayon kay Alberto Suansing, Executive Director ng grupo, lumalabas na nag-panic o nataranta umano ang driver ng bus na si Julian Lacorda Jr. habang tinatahak nila ang kalsada kung saan nangyari ang aksidente.
May teorya rin sina Suansing na maaaring nalaglag lamang sa kanal ang bus kung alam lamang ng driver ang dapat niyang gawin.
Batay kasi sa kanilang naging pagsusuri, nag-init at hindi nawalan ng preno ang bus batay sa nakita nila sa break system nito.
Naka-neutral din ang kambiyo ng bus na isang tanda na naghahanda na ito sa pagdausdos sa pababang bahagi ng kalsada.
By Jaymark Dagala
*AP Photo
