Bagama’t naniniwalang may kapangyarihan ang impeachment court na magpasya sa pagbubukas ng tax records ni Vice President Sara Duterte, sinabi ni dating Senate President Franklin Drilon na maaari maglabas ng certification ang Pangulo upang mapabilis ang pag-usad ng impeachment trial.
Ayon kay Drilon, hindi siya sang-ayon sa naging hakbang ng impeachment court na humingi ng certification mula sa Pangulo dahil sa kanyang pananaw, ang impeachment court mismo ang may kapangyarihang magpasya sa usapin.
Gayunman, sinabi niyang kung ang naturang certification ang magiging daan upang maiwasan ang pagkaantala ng paglilitis, maaari na itong ibigay ng Pangulo alinsunod sa Section 71 ng National Internal Revenue Code.
Binigyang-diin ni Drilon na ang mahalaga ay mailabas ang katotohanan at mabigyan ng malinaw na kasagutan ang publiko sa mga isyung kaugnay ng impeachment trial.
“Nag-action na po yung impeachment court at kailangan ng certification ng Presidente. Ako po hindi sang-ayon, sa akin tingin ang impeachment court ang may kapangyarihan. Ngunit para matapos na ito at hindi hahaba, Kailangan na i-siguro sa tingin ng prosecution, kailangan malaman ng tao kung ano ba talaga ang katotohanan. Mag-certify na ang pangulo ‘yan ang hinihingi ng Section 71 ng revised ng Internal Revenue Code. Ako hindi sang-ayon na applicable yan ngunit sige na lang para matapos na lang. Ang tao naman ang naghanap ng katutuhanan, huwag natin kalibutan.” — Former Senador Drilon
