Ikinalungkot ni Senador Franklin Drilon ang ulat na target ng dalawang bagong senador ang komite na hawak ng dalawang miyembrong oposisyon sa senado.
Ayon kay Drilon, bagamat nasa kamay ng mayorya ang desisyon sa pagbibigay ng committee chairmanship, mayroong hindi nasusulat na panuntunan sa senado na kabilang ang oposisyon sa sinusunod na equity of the incumbent.
Ginawa ni Drilon ang pahayag makaraang mapaulat na interesado sina incoming senators Imee Marcos at Pia Cayetano sa mga hawak na komite nina Senador Leila De Lima at Risa Hontiveros.
Nais umano ni Marcos na makuha ang social justice, welfare and rural development na hawak ni De Lima samantalang nais ni Cayetano na pamunuan ang committee on women, children, family relations at gender equality na hawak naman ni Hontiveros.
