Tiniyak ni Public Works and Highways Secretary Manuel Bonoan na kanilang i-va-validate at i-imbestigahan ang sinasabing mga ‘ghost’ flood control project.
Paglilinaw ni Secretary Bonoan, upang ma-validate na totoo ang sinasabing ‘ghost flood control project’ ay kailangan muna nilang isa-isahin ang mga proyekto.
Sakali aniyang wala silang makita sa kanilang report ay saka pa lamang makikita na mayroon “ghost project”.
Magugunitang iginiit ni Pangulong Ferdinand Marcos Junior na mananagot kahit ang mga kaalyado niya sa oras na makitang sangkot ang mga ito sa sinasabing maanomalyang flood control projects.
