Ginagamit lamang umano para sa sariling interes ni Secretary Art Tugade ang Department of Transportation para protektahan ang mga oligarko sa bansa.
Ito ang tahasang akusasyon ng consumer welfare group na Road Users Protection Advocates o RUPA kasunod ng panawagan nilang magbitiw o sibakin na sa puwesto si Tugade.
Ayon kay Nick Elman, Secretary General ng RUPA, hindi kailanman iniisip ni Tugade ang kapakanan ng publiko dahil sa may kaugnayan sa negosyo ng kaniyang pamilya ang ilang proyekto ng hinahawakan nitong kagawaran.
Binigyang diin pa ni Elman na kaya iginigiit ni Tugade ang emergency powers ay para mabilis na mapunta sa kanilang negosyo ang mga proyektong pambayan na hindi masasaklaw ng nasabing batas.
By: Jaymark Dagala
