Humirit ng karagdagang pondo ang Department of Labor and Employment (DOLE) para maipagpatuloy ang pamamahagi ng cash assistance sa Overseas Filipino Workers (OFW) na naapektuhan ng pandemya.
Ito’y matapos itigil ng DOLE noong January 14, 2022 ang pagtanggap ng mga bagong AKAP apllication para sa mga nasabing indibidwal na nawalan ng kabuhayan dahil sa COVID-19.
Ayon kay Overseas Workers Welfare Administration Administrator Hans Leo Cacdac, nakadepende ito sa magiging tugon ng Department of Budget and Management (DBM) ang hinihiniling ng DOLE na additional fund kaya hindi pa nila masiguro kung muli silang tatanggap ng mga bagong aplikasyon.
Sa ngayon, pinagtutuunan nila ng pansin ang pamamahagi ng financial aid sa mga pending AKAP application na naisumite sa kanila bago ang January 14. - sa panulat ni Airiam Sancho
