Iimbestigahan din ang doktor na sumuri sa hazing victim na si PMA Cadet Fourth Class Darwin Dormitorio.
Una nang inihayag ng nasabing doktor na urinary tract infection ang dahilan ng sakit ni Dormitorio ilang oras bago ito nasawi.
Sinabi ni Police Coronel Allan Rae Co, hepe ng Baguio City Police Office na inaalam nila kung professional error ang dahilan kaya’t hindi natingnan ang internal injuries ni Dormitorio sa PMA Hospital.
Sisilipin din kung sinadya pang itago ang totoong medical condition ng biktima.
Hindi naman inilalabas pa ng pulisya ang pagkakilanlan ng naturang doktor at ng isa pang doktor na sumuri kay Dormitorio.
