Nakatakdang magsagawa ng lifestyle check ang Department of Finance o DOF sa kanilang mga opisyal at kawani kung saan partikular na tutukan ang mga tauhan ng Bureau of Customs o BOC at Bureau of Internal Revenue o BIR.
Ayon kay Undersecretary Bayani Agabin, ang Revenue Integrity Protection Service o RIPS ang mangunguna sa pagbusisi ng mga Statements, Assets, Liabilities and Net worth o SALN ng mga opisyal at empleyado.
Maliban naman sa BOC at BIR, isasailalim din sa lifestyle check ang mga tauhan ng Bureau of Local Government finance, securities and Exchange Commission, Insurance Commission at lahat ng mga treasurers.
Ang hakbang umano na ito ay para malaman kung mayroong mga tagong yaman ang mga ito at sakaling mapatunayan ay maghahain sila ng kaso sa Office of the Ombudsman o sa Civil Service Commission.
—-
