Nagpahayag ng pagkabahala si Defense Secretary Delfin Lorenzana sa pagkakadiskubre ng unmanned underwater vehicle ng Amerika sa loob mismo ng Exclusive Economic Zone o EEZ ng Pilipinas.
Ayon kay Lorenzana, ang pagdaan sa EEZ ng Pilipinas na may iligal na pakay ay malinaw na paglabag sa karapatan ng Pilipinas.
Posible rin aniyang mauwi sa komprontasyon ang nangyari lalo’t ang China pa ang nakatagpo nito 50 nautical miles ang layo mula sa Subic.
Umaasa ang kalihim na sana ay maresolba ito ng Amerika at China sa mapayapang paraan.
By: Rianne Briones
