Tiniyak ng Department Of Health o DOH na agad ipamamahagi ang mga bakunang darating sa bansa.
Ito’y matapos hilingin ng Local Government Units o LGU sa national government na bilisan ang pamamahagi ng mga bagong dating na COVID-19 vaccines.
Ilan sa mga LGU ay pansamantalang itinigil ang pagbabakuna dahil sa pagkakaubos ng mga suplay ng bakuna.
Ayon kay Dr. Arnold pangan ng Manila health department, kailangan na nila ang mga nasabing bagong set ng bakuna para sa pagpapaturok ng ikalawang dose ng bakuna ng mga nasa A1,A2 at A3 category.
Samantala, ginagawa ng DOH ang lahat upang makarating ang mga bakuna sa tamang oras upang hindi maantala ang isinasagawang vaccination program sa mga lugar.— sa panulat ni Rashid Locsin