Ipinahiwatig ng blockbuster director na si Cathy Garcia Molina na hindi siya bukas na makatrabaho ang tambalang James Reid at Nadine Lustre.
Ito ay matapos hikayatin si Direk Cathy ng isang JaDine fan na gawin ang huling pelikula nito kasama sina James at Nadine dahil sa professional at mababait ang mga ito.
Sumagot si Direk Cathy na iba kasi ang kanyang mga naririnig ukol sa JaDine base sa mga kapwa niya direktor na si na Dan Villegas at Tonet Jadaone na nakatrabaho at nahawakan na ang dalawang teen stars.
Sinabi pa nito na hindi tsismis ang mga nakakarating sa kanya dahil personal niyang kaibigan sina Direk Dan at Direk Tonet.
Matatandaang may naging lamat ang relasyon ng JaDine kay Direk Tonet na una nang naglabas ng sama ng loob sa social media dahil sa pagiging sanhi ng delay ng kanilang pelikula na “Never Not Love You”.
—-
