Ginagamit umano ang pangalan ni Department of Interior and Local Government Secretary Mel Senen Sarmiento ng ilang tiwaling lokal na opisyal para makapangilak ng pondong pang-eleksiyon mula sa jueteng operations.
Dahil dito inatasan ni sarmiento si PNP Chief Director General Ricardo Marquez na arestuhin ang mga gumagamit sa kanyang pangalan para makapangikil ng salapi.
Pinapaigting ni Sarmiento sa PNP Chief ang operasyon laban sa jueteng matapos makatanggap ng impormasyon na ginagawa umanong fund raising ito ng ilang mga tiwaling pulitiko.
Binigyang-diin ng DILG Secretary na hindi nito hahayaang magamit ang kanyang pangalan sa illegal na aktibidad at wala itong intensyon na madungisan ang kanyang pangalan.
By: Aileen Taliping (Patrol 23)
