Wala pang nakikitang pangangailangan ang Malakanyang para ipag-utos ang suspensyon sa pagpapadala ng mga manggagawa Pilipino sa Hong Kong.
Ito ay sa gitna na rin ng mga kaguluhan sa Hong Kong bunsod ng mas tumitinding demonstrasyon doon laban sa kanilang pamahalaan at pagkakaaresto ng isang Pinoy na napagkamalang kasama sa kilos protesta.
Ayon kay Presidential Spokesperson Salvador Panelo, patuloy ang ginagawang assessment ni Labor Secretary Silvestre Bello III sa sitwasyon sa Hong Kong para mapagpasiyahan kung magpapatupad ng deployment ban.
Sa ngayon, aniya ay patuloy ang paalala ng ahensiya sa mga Pinoy sa Hong Kong na iwasan mula ang mga lugar kung saan ginaganap ang kilos protesta para maiwasang madamay.
Tiniyak din ni Panelo na nakabantay ang pamahalaan sa sitwasyon para matiyak ang kaligtasan ng nasa 130 Pilipino sa Hong Kong.
