Posibleng ikunsidera ng Pangulong Rodrigo Duterte ang pagbawi sa total deployment ban ng mga OFW sa Kuwait.
Ito ayon kay Labor Secretary Silvestre Bello III ay matapos mahuli ang Lebanese employer ni Joanna Demafelis na natagpuang nakasilid sa freezer.
Sinabi ni Bello na makakatulong ang nasabing pag aresto para maibalik sa normal ang diplomatic relations ng Pilipinas at Kuwait.
Gayunman, inihayag ni Bello na mangyayari lamang ang pagbawi sa deployment ban kapag lumagda na ang Kuwaiti government sa memorandum of agreement para sa dagdag proteksyon ng mga OFWs lalo na sa mga domestic helper.
