Umapela si ACT Teachers Partylist Representative France Castro sa Department of Education (DepEd) na maglatag agad ng malinaw na polisiya at guidelines para sa pagpapatupad ng limitadong face-to-face classes sa mga lugar na mababa ang banta ng COVID-19.
Ayon kay Castro, mas mabuti nang mailatag ng maayos ang mga panuntunan upang matiyak na walang magaganap na outbreak sa oras na simulan ang klase.
Kabilang aniya rito ang maayos na ventilation pagtuko ng bilang ng mag-aaral sa bawat class at oras na igugugol ng isang estudyante sa klase.
Mahalaga rin umano na tiyakin ang pagkakaroon ng mga kagamitan at proteksyong kakailanganin ng mga guro sa pagsisimula ng klase sa mga paaralan.