Hindi magsisibak ng mga empleyado ang mga tollway operators sa kabila ng shifting nito sa cashless transaction.
Ayon kay Rodrigo Franco, President and CEO ng Metro Pacific Tollway Corporation (MPTC) na nago-operate ng NLEX Corporation, mananatili ang kanilang mga empleyado kahit pa inalis na ang cash transaction sa mga toll plazas at ginawa na itong RFID system.
Ani Franco, magbabago lamang ang profile ng job content ng mga empleyadong maiiwan sa toll plaza kung saan mayroon nang technology content.
Kasabay nito tiniyak ni Franco na ang mga empleyadong hindi na ma-accommodate pasa ibang posisyon ay mabibigyan ng higit pang kompensasyon na naayon sa batas.
