Nagpapatupad na ang Department of Environment and Natural Resources (DENR) ng recalibration ng crowd management measures sa Manila bay dolomite beach upang maiwasan ang pagsisiksikan.
Ayon kay DENR Secretary Roy Cimatu, pangunahin pa ring prayoridad ang public health sa pagpapatupad ng recalibrated crowd management.
Tiniyak ng kalihim na hindi na mauulit ang naganap na overcrowding noong Oktubre 24 kung saan nabigo ang mga otoridad na kontrolin ang pagpasok ng mahigit 120k katao dolomite beach.
Magugunitang sinibak ni Cimatu si Manila bay task force ground Commander Jacob Meimban Junior matapos ang pagsisiksikan sa kontrobersyal na pasyalan, na pansamantalang sarado.— sa panulat ni Drew Nacino
