Death penalty maituturing nang patay sa Senado—Drilon

Patay na ang panukalang death penalty sa Senado.

Idineklara ito ni Senate Minority Floor Leader Franklin Drilon matapos ihayag na labing tatlong (13) senador ang posibleng bumoto laban sa panukalang ibalik ang parusang kamatayan.

Sinabi pa ni Drilon na sa kanyang pagtaya, labing tatlong (13) senador ang haharang para mailusot ang death penalty bill at kabilang dito ang anim (6) na miyembro ng minorya at pitong (7) miyembro ng Majority Bloc.

Muling tiniyak ni Drilon ang kahandaang labanan ang death penalty bill dahil naniniwala silang kailanman ay hindi ito magiging epektibong paraan nang paglaban sa krimen.

Ayon pa kay Drilon, mahihirap lamang ang maaapektuhan nito dahil magiging biktima sila ng malupit at hindi makataong parusa lalo pa’t may mga depekto pa sa judicial system ng bansa.

By Judith Larino | with report from Cely Bueno (Patrol 19)   

Comments

comments