Inamin ni dating Miss Universe 1993 Dayanara Torres na nasaktan siya nang husto nang matapos ang relasyon nila noon ng boyfriend na si Aga Muhlach.
Nasa Pilipinas muli si Miss Universe 1993 dahil kabilang siya sa mga hurado ng katatapos lang na Miss Universe Pageant.
Pagbabalik-tanaw pa ni Dayanara sa limang taong relasyon nila ni Aga, hindi pangit ang kanilang hiwalayan ngunit halos mag-alsa balutan, aniya, siya pabalik sa kanyang bansang Puerto Rico dahil sa lungkot.
Hindi na, aniya, sila muling nagkausap ni Aga dahil hindi pa nagkukrus ang kanilang landas.
Gayunpaman, sinabi ni Dayanara na malugod niyang tatanggapin kung sakaling magkapelikula muli sila ni Aga.
Nagtambal ang dating magkarelayson na sina Aga at Dayanara sa pelikulang “Basta’t Kasama Kita” noong 1995.
By Avee Devierte
Photo Credit: Dayanara Torres' Instagram
