Niyanig ng magnitude 3.4 na lindol ang Jose Abad Santos, Davao Occidental pasado 3:40 ng hapon kahapon, Enero 26.
Ayon sa tala ng Philippine Institute of Volcanology and Seismology (PHIVOLCS), naitala ang episentro 123 kilometro sa timog silangang bahagi ng Jose Abad Santos.
Mayroon itong lalim na 47 kilometro at tectonic ang origin.
Hindi naman inaasahang magdudulot ito ng anumang pinsala at wala ring inaasahang aftershocks matapos ang lindol.
