Pinag-aaralan na ng Davao City council na isailalim sa enhanced community quarantine (ECQ) ang buong siyudad.
Inihayag ito ni Davao City Mayor Sarah Duterte matapos makumpirma ang unang local transmission sa kanilang siyudad.
Ang pinakabagong kaso anya ng coronavirus disease 2019 (COVID-19) sa siyudad ay walang travel history kayat malaki ang posibilidad na sa Davao City ito nahawa.
Sa ngayon ay umaabot na sa 40 ang kumpirmadong kaso ng COVID-19 sa Davao City, apat dito ang nasawi at apat rin ang naka-recover.
Ini anunsyo ni mayor duterte na simula bukas ay skeletal force na lamang ang ta-tao sa city hall ng Davao at work from home na ang karamihan sa mga empleyado.
