SINABI ni presidential aspirant Ferdinand ‘Bongbong’ Marcos na wala siyang ibang hiling ngayong Bagong Taon kundi ang magkaroon ng magandang buhay ang bawat Pilipino ngayong paparating na ang 2022. Hiniling din niya na maging ligtas ang bawat isa at malampasan ang pagsubok ng buhay ngayong nakararanas pa rin tayo ng pandemya.
“I am hoping for a better life for each and every one of us. Free from the economic burden, free to pursue our hopes and aspirations, free from the debilitating effects of the pandemic, and most of all free to choose our leaders who will usher us to the next chapter of our country’s history,” ani Marcos sa kanyang mensahe.
Nanawagan din si BBM na habang unti-unting bumabangon ang bansa sa kabila ng pananalasa ni Bagyong Odette at ng pandemya, marapat lamang na kalimutan na ang mala-bangungot na nakaraan dulot ng mga sakuna at manatiling positibo at puno ng pag-asa sa pagsalubong ng Bagong Taon.
“We have proven that we, as a nation, are resilient and resolute. Let us once again dig deep inside ourselves and let our persevering spirit guide us in our effort to turn our miseries into joy, our pain into happiness, and our hopelessness into faith and optimism,” wika pa ni Marcos.
Dagdag pa ni Marcos na inilalatag na niya ang komprehensibong plano para paunlarin pa ang buhay ng bawat Pilipino at sa muling pagpapasigla ng ekonomiya ng bansa sakaling palarin siya sa pagka-Pangulo.
Subalit magiging posible lamang aniya ang mga programa na nais niya para sa bansa kung magkakaisa ang taumbayan.
“Sa bandang huli ay matutupad lamang ang ating mga pangarap na ibangon muli ang ating bayan kung tayo ay may iisang adhikain at may iisang paniniwala,” pagbibigay diin pa ni Marcos.